Personal

Dat richtegt Personal anzestellen ass wichteg fir deng Ekipp an d'Virukomme vun dengem Veräin. Däi Personal fënns de vläit net um Terrain während dem Spilldag, mee si schaffe mat de Spiller während der Woch oder maachen aner wichteg Aarbecht fir de Veräin. Si ënnerstëtzen den Trainer a fir dech als Manager ass et wichteg fir déi richteg Leit am Veräin ze hunn.

Effekter vum Personal a Level vun der Fäegkeet

All zousätzlech Wierkung, déi s du duerch en neie Member am Personal kriss, ass e festgeluetene Bonus zu dengem aktuelle Wäert. Dee Bonus wäert ëmmer fir dech ze gesi sinn. Mee well déi Wäerter éischtens dynamesch sinn, an zudeem vu ville Faktore beaflosst ginn, ass et schwéier dësen duerch en neie Member am Personal duerzestellen. Wou s de der awer sécher si kenns, ass dass de den Effekt an déi richteg Richtung dréins. Personal mat engem méi héije Level wäert der natierlech e méi héije Bonus ginn. Déi Bonus e si linear - dat heescht dass all Level der souvill bréngt wéi dee virdrun. Wann s de méi Personal aus der selwechter Kategorie hues, da gëtt hire Bonus kombinéiert an eng Kéier gezielt. E Co-Trainer mam Level 4 ass zum Beispill souvill wäert wéi 2 Co-Trainere mam Level 2. Fir d'Saach méi einfach ze maachen, wäers de ëmmer den aktuelle Bonus vun dengem aktuelle Personal an dem Personal, den s de astelle wëlls, op der Säit vum Personal gesinn. Eng Tabell mat alle Kategorië vum Personal mam Bonus, den dozou gehéiert, wäers de och um Ënn vun dem Abschnitt fannen.

Gréisst vun dengem Personal

Du kanns bis zu 4 Leit als Personal astellen. Du kenns bis zu 2 Co-Traineren gläichzäiteg hunn. Fir all aner Kategorie ass der just eng Persoun erlaabt.

Astellen an erausgeheien

Wanns de e Member vum Personal astells, da muss de d'Dauer vu sengem Kontrakt bestëmmen. Je länger de Kontrakt leeft, desto méi bëlleg ass e pro Woch. Du hues d'Optioun, fir de Kontrakt ze briechen während dëser Zäit, wa sech deng Pläng ännere sollten an dats de eng weider Plaz bei dengem Personal brauche solls. Mä du muss him déi gespuerte Suen bis dohinner duebel bezuelen, wat et deier mécht, wanns de deng Meenung änners. Desweideren däerf kee Member vum Personal an der éischter Woch no senger Astellung oder an der leschter Woch vu sengem Kontrakt entlooss ginn. Iwwert dem gëtt et awer keng Begrenzung, wéi oft Ännerunge beim Personal virgeholl ginn.

E Kontrakt briechen

Wanns de e Kontrakt bréchs, da muss de d'Strof vun de gespuerte Suen bis dohinner bezuelen, an dat duebel. Wanns de zum Beispill e Kontrakt iwwer 13 Woche mat engem Member vum Personal mam Level 3 gemeet hues an dee no 8 Woche brieche wëlls, da si bis elo 8 mol de Salaire vun 4 800 US$ oder 38 400 US$ am Ganze bezuelt. Mä wanns de e Kontrakt vun 8 Woche Längt gemeet häss, da wieren 8 mol 6 000 US$ oder 48 000 US$ am Ganze bezuelt ginn. Déi gespuerte Suen sinn 9 600 US$ an du miss eng Strof vun 19 200 US$ bezuelen.

Käschten/Woch

Dauer vum Kontrakt	Level 1	Level 2	Level 3	Level 4	Level 5
1 Woch	2 115 US$	4 230 US$	8 460 US$	16 920 US$	33 840 US$
2 Wochen	2 055 US$	4 110 US$	8 220 US$	16 440 US$	32 880 US$
3 Wochen	1 890 US$	3 780 US$	7 560 US$	15 120 US$	30 240 US$
4 Wochen	1 770 US$	3 540 US$	7 080 US$	14 160 US$	28 320 US$
5 Wochen	1 710 US$	3 420 US$	6 840 US$	13 680 US$	27 360 US$
6 Wochen	1 650 US$	3 300 US$	6 600 US$	13 200 US$	26 400 US$
7 Wochen	1 575 US$	3 150 US$	6 300 US$	12 600 US$	25 200 US$
8 Wochen	1 500 US$	3 000 US$	6 000 US$	12 000 US$	24 000 US$
9 Wochen	1 440 US$	2 880 US$	5 760 US$	11 520 US$	23 040 US$
10 Wochen	1 380 US$	2 760 US$	5 520 US$	11 040 US$	22 080 US$
11 Wochen	1 320 US$	2 640 US$	5 280 US$	10 560 US$	21 120 US$
12 Wochen	1 260 US$	2 520 US$	5 040 US$	10 080 US$	20 160 US$
13 Wochen	1 200 US$	2 400 US$	4 800 US$	9 600 US$	19 200 US$
14 Wochen	1 140 US$	2 280 US$	4 560 US$	9 120 US$	18 240 US$
15 Wochen	1 080 US$	2 160 US$	4 320 US$	8 640 US$	17 280 US$
16 Wochen	1 020 US$	2 040 US$	4 080 US$	8 160 US$	16 320 US$

Kategorië vum Personal

Co-Trainer

De Bonus an der Vitesse vum Training duerch de Co-Trainer gëtt zu der Effizienz vum Training vun denger Ekipp dobäi gesat. Kuck fir d'éischt dass de e gudden Trainer hues ir dass de drun denks fir Sue fir Co-Traineren auszeginn. Mee wanns de e gudden Trainer hues, da kéinte Co-Traineren eng gutt Taktik fir e Veräin, de sech op Training konzentréiert, sinn.

Level	Vitesse vum Training	Verletzungsrisiko	Form
	Kee Bonus	40%	Kee Bonus
	+3,5%	+2,5%	+0,05
	+7%	+5%	+0,1
	+10,5%	+7,5%	+0,15
	+14%	+10%	+0,2
	+17,5%	+12,5%	+0,25

Detailer vum Effekt

De Bonus gëtt op d'Effizienz vum Training duerch den aktuellen Trainer, deng Trainingsintensitéit an däi Konditiounsundeel drop multiplizéiert. Zum Beispill, wanns de e gudden Trainer, 100 % Trainingsintensitéit an 10 % Konditiounsundeel hues, da wäert déi folgend Vitesse vum Training bei engem formidabele Spillmaacher mat 22 Joer erreecht ginn:

Kee Co-Trainer: 8 Woche bis de nächste Level.
Level 5 aus der Co-Trainer Kombinatioun: 7 Woche bis de nächste Level.
Level 10 aus der Co-Trainer Kombinatioun: 6 Woche bis de nächste Level.

Du kenns bis zu 2 Co-Traineren gläichzäiteg hunn. Wanns de méi Co-Traineren hues, da gëtt hire Bonus kombinéiert an eng Kéier gezielt. E Co-Trainer mam Level 4 ass zum Beispill souvill wäert wéi 2 Co-Trainere mam Level 2.

Niewent den Effekter fir den Training hu Co-Traineren och nach zwee Nieweneffekter. D'Form geet erop, mee dofir och de Risiko fir Verletzungen.

De Risiko fir Verletzungen ass als duerschschnëttlech Unzuel vu Verletzunge pro Match gerechent, net pro Spiller mee pro Ekipp. De Basis Risiko ass 0,4 Blessure por Match fir deng Ekipp. All Level beim Dokter reduzéiert den em 0,025. Mat engem Dokter vum Level 5 kenn sech de Risiko bis op 0,025 reduzéieren. Co-Trainer féieren zu engem méi héije Risiko fir Verletzunge vun 0,025 pro Level. Dat heescht dass e Co-Trainer mam Level 5 de Risiko op 0,525 erop setzt (0,15 mat engem Dokter mam Level 5) an dass zwee Co-Traineren mam Level 5 de Risiko em 0,65 erhéijen (wat dech nees zu 0,275 mat engem Dokter mam Level 5 féiert).

Wéi schonn ugeschwat hunn d'Co-Traineren och e positiven Effekt op d'Form vun denge Spiller. Wanns de déi komplett 10 Levele bei de Co-Traineren hues, kenn sech d'Form em 0,5 Levele verbesseren. An anere Wierder bréngen der zwee Co-Trainere mam Level 5 hallef sou vill wéi e Fitness-Trainer mam Level 5.

Zeréck zu de Kategorien

Dokter

Doktere si responsabel fir d'Gesondheet vun denge Spiller. Dat heescht dass se souwuel dofir suergen, dass keng Blessuren optriede wéi och dofir suergen, dass d'Spiller sech nees méi séier erhuelen, nodeem se blesséiert gi sinn. Wanns de en Dokter hues, reduzéiers de souwuel de Risiko vun enger Verletzung wéi och d'Zäit wou e Spiller brauch fir d'Verletzung ze iwwerstoen.

Level	Vitesse vun der Heelung	Verletzungsrisiko
	Kee Bonus	40%
	+20%	-7,5%
	+40%	-15%
	+60%	-22,5%
	+80%	-30%
	+100%	-37,5%

Detailer vum Effekt

All Kéier wann deng Ekipp e Match spillt ass e gewësse Risiko fir eng Verletzung fir deng Spiller do. Wanns de en Dokter hues gëtt de Risiko méi kleng. En Dokter mam Level 5 wäert de Risiko vun 0,4 Verletzunge pro Match op 0,025 Verletzunge pro Match reduzéieren, mee pass op aner Faktoren op - wéi zum Beispill Co-Traineren astellen erhéicht de Risiko nees.

Wann e Spiller blesséiert gëtt, hëllefen Doktere bei der Genesung. Beim Hattrick gëtt d'Dauer vu Verletzungen ëmmer a Woche geschätzt. No all deeglechem Update erhëlt de Spiller sech awer e bëssche bis e nees 90 % gesond ass (wann e spille kenn, mee nach ugeschloen ass) bis en da schlussendlech 100 % gesond ass, da wann e guer keng Unzeechen vun enger Verletzung méi huet.

D'Grafik weist der wéi laang e Spiller brauch bis e nees ganz gesond ass, ofhängeg dovun op s du en Dokter agestallt hues oder net. Ouni Dokter brauch en 19-jäerege Spiller 3 Woche fir sech nees ze erhuelen. Mat engem Dokter mam Level 2 wäerten et zwou Woche sinn. Mat engem Dokter mam Level 5 gëtt d'Dauer op ongeféier annerhallef Woch reduzéiert.

E 29-jäerege Spiller mat der selwechter Verletzung wäert 6 Wochen ouni Dokter brauchen. Mat engem Dokter mam Level 1 wäerten et nach 5 Woche sinn. En Dokter mam Level 5 reduzéiert se weider bis op ënner 3 Wochen.

Zeréck zu de Kategorien

Psycholog

Déi mental Verfaassung ass bal sou wichteg wéi déi kierperlech. E Psycholog anzestelle kenn der dobäi hëllefen, fir eng Gewënner-Mentalitéit ze kreéieren. Dëse Member vum Personal hëlleft der d'Selbstvertrauen an denger Ekipp ze halen an d'Ekippestëmmung am ganze Kader ze fleegen.

Level	Ekippestëmmung	Selbstvertrauen
	Kee Bonus	Kee Bonus
	+0,1	+0,2
	+0,2	+0,4
	+0,3	+0,6
	+0,4	+0,8
	+0,5	+1

Detailer vum Effekt

D'Ekippestëmmung hängt vun der Haltung vun denger Ekipp aus de leschte Matcher of. Direkt nom Match kritt d'Ekippestëmmung entweder en Héich oder fält rof, je no wéi enger Astellung gespillt gouf. Mee no all Aktualiséierung tendéiert d'Ekippestëmmung zu engem normale Wäert, wat heescht dat se lues rof geet falls se héich ass an ëmgedréint. E Psycholog kenn hëllefen de Prozess zu dengem Virdeel ze verbesseren. En héije Wäert, also eng héich Ekippestëmmung wäert méi lues falen, während eng déif nees méi séier ropgeet. De Bonus wäert en Zéngtel vun engem Level pro Level agestallt Personal sinn. Dat heescht, dass e Psycholog mam Level 5 de Wäert vun der Ekippestëmmung ëm en halwe Level verbessere kenn.

D'Selbstvertraue vun denger Ekipp gëtt och duerch d'Psychologe gehollef. D'Selbstvertrauen hängt an éischter Linn vun de Resultater vun der Ekipp souwéi vun de Goaler, déi se schéissen of. Mee de Psycholog gëtt der nach e Bonus dobäi. Dee Bonus ass e ganze Level u Selbstvertraue bei engem Psycholog mam Level 5, oder e Fënneftel pro Level vum agestallte Psycholog.

Zeréck zu de Kategorien

Fitness-Trainer

D'Performance vum Spiller geet net just duerch déi technesch Fäegkeeten an d'Konditioun rof. D'Spiller sinn an oder ausser Form a vill Faktore kënnen dat beaflossen, och déi mental.

De Fitness-Trainer ass dorop spezialiséiert de Maximum aus denge Spiller rauszekréien. Hien hält deng Ekipp fit a motivéiert. Ee Fitness-Trainer anzestellen ass keng séier Léisung, nach ass den Effekt permanent - mee fir puer Veräiner a puer Situatioune kënn et eng gutt Léisung sinn.

Level	Form
	Kee Bonus
	+0,2
	+0,4
	+0,6
	+0,8
	+1

Detailer vum Effekt

D'Form vun engem Spiller ass e Richtwäert wéi no hie bei sengem maximale Potential spillt. De Wäert, den s de bei dengem Spiller gesäis ass seng aktuell Form, an déi gëtt an der Simulatioun vun de Matcher benotzt. Déi aktuell Form huet awer ëmmer en Trend an dee Wäert gëtt Hannergrond-Form genannt. Wanns de e Fitness Trainer hues, da kriss de e Bonus bei der Hannergrond-Form Aktualiséierung. Wann d'Hannergrond-Form da nees nei gerechent gëtt (dat passéiert ongeféier all zweet Woch), dann dréckt de Fitness-Trainer d'Hannergrond-Form em 0,2 Levele méi héich. Dat heescht dass e Fitness-Trainer mam Level 5 denge Spiller e ganze Level Hannergrond-Form mat op de Wee gëtt wann d'Aktualiséierung kennt. Denk awer drun, dass déi Hannergrond-Form och mol fale kenn, mee den Duerchschnëtt wäert dann awer méi héich sinn.

Zeréck zu de Kategorien

Finanz-Direkter

De Finanz-Direkter erhéicht deng economesch Flexibilitéit. Dat ass awer JUST nëtzlech fir Manager vu räiche Klibb.

(Wanns de e neie Benotzer bass, brauchs de net iwwer en Finanz-Direkter nozedenken.)

Normalerweis stellt de Komitee e Limit bei de Suen, déi de Manager fir Paien, Transferten oder Projeten am Stadion ausgi kenn. All Betrag iwwert dem Kapital gëtt vum Komitee agefruer fir d'Stabilitéit vum Veräin an der Zukunft ze sécheren. Wann se gebraucht ginn, wäert de Komitee déi Reserven nees fräi ginn, mee just a klenge Raten. Alles wat iwwert dat normalt Kapital eweg geet, gëtt a Rate vun 2 % vum komplette Kapital an d'Reserve geholl.

Wanns de e Finanz-Direktor astells, erlaabt der de Komitee e méi héicht aktivt agesate Kapital a méi héich Rate vun de Suen, déi aus de Reserven zeréck kommen. Dat erlaabt dem Manager méi aggressiv mam Kapital ëmzegoe wéi et de Komitee normalerweis erlaabt. E Finanz-Direktor ze hu kéint nëtzlech si fir Veräiner, déi iwwer vill Saisone Sue gespuert hu fir en deieren Ugrëff op e Championat oder eng Coupe.

Level	Maximale Budget	Retour/Woch
	15 000 000 US$	50 000 US$
	17 000 000 US$	100 000 US$
	19 000 000 US$	200 000 US$
	21 000 000 US$	300 000 US$
	23 000 000 US$	400 000 US$
	25 000 000 US$	500 000 US$

Beispill: Team Tycoon huet 40 000 000 US$ um Kont. Ouni Finanz-Direktor wäert de Komitee dem Manager just erlaaben, op 15 000 000 US$ zou ze gräifen. Wann de Manager 2 000 000 US$ ausgëtt, an de neie Kontostand 13 000 000 US$ ass, gëtt de Komitee nees Suen aus de Reserve fräi, mee dann och just 50 000 US$ pro Woch.

Lo huet Team Tycoon e Finanz-Direktor mam Level 3 agestallt. De Komitee huet lo méi Vertrauen datt mat de Sue responsabel gehandelt gëtt. Dat erlaabt e méi héicht aktivt Kapital vun 21 000 000 US$ an de Retour pro Woch si lo 300 000 US$. Soulaang d'Kapital vum Veräi méi kleng wéi 21 000 000 US$ ass, ginn 300 000 US$ pro Woch vun de Reserven automatesch op de Kont gesat. Wann de Kont nees iwwer 21 000 000 US$ uweist, zum Beispill duerch verkaafte Spiller, ginn d'Suen nees an d'Reserve mat enger Rate vun 2 % vum komplette Kapital gestach.

Zeréck zu de Kategorien

Taktik-Assistent

Een Taktik-Assistent ze rekrutéieren wäert d'Flexibilitéit vun denger Ekipp verbesseren a léisst méi strategesch Zich an erweidert Opstellungen zou. Den Effekt vun engem Taktik-Assistent ke ganz kuerz sinn, well et just de nächste Match betrëfft - sief der am kloeren, dass de een astells wann däi Veräin e brauch.

Level	Zousätzlech Awiesslungen / Uerderen	Flexibilitéit vum Spillstil
	Kee Bonus	Kee Bonus
	+1	+20pp
	+2	+40pp
	+3	+60pp
	+4	+80pp
	+5	+100pp

Detailer vum Effekt

A Plaz vu maximal fënnef Uerderen während dem Match (déi kënne fir Auswiesslungen, geännert Ausriichtungen vu Spiller oder Positiounstoschen benotzt ginn) kriss de elo eng weider Uerder pro Level vum Taktik-Assistent, bis zu maximal 10 fir en Taktik-Assistent mam Level 5. Denk awer drun, dass et ëmmer nach d'Limit vun 3 Auswiesslungen pro Match gëtt, och wann s de en Taktik-Assistent hues.

De Spillstil ass tëschen 100 % defensiv (wat Standard ass fir defensiv denkend Traineren) an 100 % offensiv (wat Standard ass fir Traineren, déi gären offensiv spille loossen) mat neutral an der Mëtt. Der wäert et méiglech sinn dat anzestellen fir all Match op der Match Opstellungssäit, wou s de 20 % Flexibilitéit pro Level vun dengem Taktik-Assistent zum Spillstil vun dengem Trainer kriss.

Hues de zum Beispill en defensiv denkenden Trainer an en Taktik-Assistent mam Level 5, sou kënn däi Spillstil vun 100 % defensiv bis zu neutral variéieren. Wanns de en Trainer hues, dee weder offensiv nach defensiv ausgeriicht ass, mat engem Taktik-Assistent mam Level 5, sou geet deng Spann vu neutral jeeweils en halwe Wee riwwer souwuel op defensiv (50 %) wéi och op offensiv (50 %).

Du brauchs däin Taktik-Assistent op denger Paielëscht zum Ament vum Match. Am Fall wou s de eng Opstellung mam Taktik-Assistent gemeet hues an den dono entlooss hues oder säi Kontrakt ausgelaf ass ouni dass en erneiert ginn ass, sou gëtt de Match ouni déi extra Uerderen simuléiert andeems de Standard Spillstil vum aktuellen Trainer geholl gëtt.