15. Anniversaire

Hurra! Viru 15 Joer, den 30. August 1997, gouf bei Hattrick den éischte Match ugepaff. Zënter deemols goufen honnerte Millioune vu Matcher gespillt a Benotzer aus der ganzer Welt si Milliarde vu Stonnen aktiv gewiescht: si hunn un hiren Opstellunge geschafft, sinn um Transfermaart op d'Juegd nom perfekte Spiller gaangen, oder hu ganz einfach mat anere Benotzer Kontakt gehat. Wéi mer ugefaangen hu konnte mer eis net virstelle wat Hattrick haut wier. E puer Iddie kréien awer mat der Zäit en eegent Liewen.

Bis elo war et e fantastescht Erliefnes. Heiansdo louchen e puer Steng am Wee, mä meeschtens hate mer vill Spaass, a mer hätten eis keng besser Begleedung kéinte wënsche wéi déi groussaarteg Hattrick-Communautéit. Mer freeën eis op déi nächst Jorzéngten zesummen. Wéi een sou schéi seet si 15 Joer dëser Deeg keen Alter.

Hattrick ass d'Original ënnert den Online-Futtballmanager-Spiller, an et kascht näischt fir matzespillen. Bei Hattrick hues du däin eegene Veräin, baus d'Ekipp op, vun där s de dreems, a spills géint Honnertdausende vu richtege Géigner aus der ganzer Welt.